टियु मैदानमा नेदरल्यान्ड्सको विष्फोटक ब्याटिङ, नामिबिया ५९ रनले पराजित
फागुन १७, २०८० बिहीबार १५:३३:५०
काठमाडौं : नेपालमा जारी त्रिदेशीय टी-२०आई शृंखालाअन्तर्गत बिहीबारको खेलमा नेदरल्यान्ड्सले नामिबियाविरुद्ध विष्फोटक ब्याटिङ गरेका छन्। खेलमा नेदरल्यान्ड्स ५९ रनले विजयी बन्यो।
टी-२०आईमा नेदरल्यान्ड्सको यो उच्च स्कोर पनि हो। टस जितेर ब्याटिङ गरेको नेदरल्यान्ड्सले निर्धारित ओभरको खेलमा ५ विकेट गुमाएर २४७ रन बनायो। नेदरल्यान्ड्सका लागि माइकल लेभिटले शतकीय इनिङ्स खेलेका थिए। उनले ६२ बलमा ११ चौका र १० छक्का प्रहार गर्दै १३५ रन बनाएका थिए। त्यस्तै सीब्रान्ड इंगेलब्रेक्टले ७५ रन बनाए। ४० बल खेलेका उनले ७ चौका र ५ छक्का प्रहार गरे। त्यस्तै तेजाले १८ रन बनाउँदा म्याक्स ओडाउडले ५ र स्कट इडवार्डले ४ रन बनाए।
जवाफी ब्याटिङ गरेको नामिबियाले निर्धारित ओभरको खेलमा ७ विकेट गुमाएर १८८ रनमात्र बनाउन सक्यो। नामिबियाका लागि ज्यान फ्रिलिंकले ४२ रन बनाए भने जेन ग्रिन ४२ रनमै अविजित रहे।
प्रतिक्रिया दिनुहोस !
