ब्रम्हाण्डीय महायज्ञमा पुगेर ओलीले भने - सामाजिक एकताका साथ अघि बढौं
फागुन २३, २०८० बुधबार १७:३२:५४
काठमाडौं : नेकपा एमालेका अध्यक्ष केपी शर्मा ओलीले सामाजिक एकताका साथ अघि बढ्नुपर्ने बताएका छन्। बुधबार बागलुङको सर्वसिद्विधाम पन्चकोटमा चलिरहेको अनन्तश्री ब्रम्हाण्डीय महायज्ञमा पुगेर ओलीले समृद्ध नेपाल सुखी नेपाली भन्ने नारा आफूले अगाडि सारेको बताएका हुन्।
उनले भने,‘समृद्ध नेपाल सुखी नेपाली भन्ने नारा आफुले अगाडि सारेको र अहिले स्वामीले सारा जगतलाई समृद्ध बनाउने नारा ल्याउनु भएको रहेछ, खुशी छु।’
उनले ब्रह्माण्डीय महायज्ञ मानव जातीको कल्याणको लागि भएको भन्दै प्रसंसा गरे । १० वर्ष अघि आफू पन्चकोटमा आएको कुरा स्मरण गर्दै उनले आफू प्रधानमन्त्री हुँदा पन्चकोटको लागि सहयोग गर्न नसकेको बताए। उनले नेपालमा धेरै धर्म संस्कृति मान्नेहरु भएपनि धर्मको नाममा सद्भाव कायमै राख्न सफल भएको उल्लेख गरे।
प्रतिक्रिया दिनुहोस !
