नुवाकोट : नुवाकोटको म्यागङ गाउँपालिकामा टिपरले किच्दा वृद्धको मृत्यु भएको छ। मृत्यु हुनेमा ६८ वर्षीय विष्णुबहादुर तामाङ रहेका छन्। मध्यपहाडी सडकमार्गअन्तर्गत त्रिशूली–सामरी सडकखण्डको बीचमा रहेको म्यागङ गाउँपालिका-६ मैवलमा बा९४प ८४३० नम्बरको मोटरसाइकलले ओभरटेक गर्ने क्रममा मिनिट्रकले किच्दा तामाङको मृत्यु भएको हो।
त्रिशूलीबाट सामरीतर्फ जाँदै गरेको बा४ख ८६६० नम्बरको टिपरलाई ओभरटेक गर्ने क्रममा पछाडिको चक्काले किचेको थियो। दुर्घटनामा परि मोटरसाइकल चालक स्थानीय ३२ वर्षीय सूर्यबहादुर तामाङ घाइते भएका छन्।
घटनाका सम्बन्धमा अनुसन्धान भइरहेको जिल्ला प्रहरी कार्यालय नुवाकोटले जनाएको छ। प्रहरीले चालक र टिपरलाई नियन्त्रणमा लिएको छ।
प्रतिक्रिया दिनुहोस !
