बेनी : म्याग्दीका २७ वटा साझा आयोजना छनोट र प्राथमिकीकरण भएको छ। जिल्ला समन्वय समिति म्याग्दीको नवौ जिल्ला सभाबाट छनौट भएका सडक, पर्यटन पूर्वाधार, खेलकुद, खानेपानी लगायत आयोजना कार्यान्वयनका लागि प्राथमिकता दिने राजनीतिक दल, तीनै तहका जनप्रतिनिधि र सरोकारवालाहरूले प्रतिवद्धता जनाएका छन्।
जिल्ला समन्वय समितिका प्रमुख राजकुमार थापाले संघीय र गण्डकी प्रदेश सरकार मार्फत बजेट भित्र्याउन साझा योजनाहरू छनोट र प्राथमिकीकरण गरिएको बताए।
रणनीतिक महत्वका ११ वटा सडक योजना, पर्यटन प्रवर्द्धनका नौ वटा, सडक पुलका ४ वटा, खानेपानीका २ वटा र खेलकुद क्षेत्रको विकासका लागि एक वटालाई साझा योजनाका रुपमा तय गरिएको जिल्ला समन्वय समितिका प्रमुख थापाले जानकारी दिए।
प्रतिक्रिया दिनुहोस !
