काठमाडौं : नेकपा एमालेका प्रमुख सचेतक महेशकुमार बर्तौलाले संसदमा कांग्रेसले गरेको विरोध सत्ता छाड्दाको छट्पटाहटमात्रै भएको बताएका छन्।
आइतबार संसद भवन बानेश्वरमा सञ्चारकर्मीसँग कुरा गर्दै बर्तौलाले सरकार छाड्नुपर्दाको पीडा कांग्रेसले संसदमा देखाएको बताए।
उनले पुनगर्ठित सरकारलाई केही समय काम गर्न दिनुपर्ने बताए। त्यस्तै बर्तौलाले सुन तस्करी छानविन प्रतिवेदनका आधारमा दोषीलाई कारबाही हुनुपर्ने र प्रतिवेदनले उजागर गरेका विषय सार्वजनिक गर्नुपर्ने बताए।
सरकारले प्रतिवेदनलाई पूर्णरूपमा कारबाही गर्ने निर्णय नै गरिसकेको अवस्थामा कोही पनि दोषी उम्कने गुञ्जायस नरहेको उनले बताए। उनले प्रतिवेदनको पूर्ण कार्यान्वयन नभएसम्म सरकारलाई झक्झकाउने काम एमालेले गर्ने प्रस्ट्याए।
प्रतिक्रिया दिनुहोस !
