बुटवल : सडक दुर्घटनामा परी रुपन्देहीको मझँगवा मालपोत कार्यालयका प्रमुख तिलकबहादुर रावतको मृत्यु भएको छ ।
आइतबार राति सिद्धार्थनगर नगरपालिका-४ स्थित गौतमबुद्ध अन्तराष्ट्रिय विमानस्थलको गेट अगाडि बा २१ च ७५५३ नम्बरको कार र विपरित दिशाबाट आउँदै गरेको प्रदेश–३–०२–००१ ब ४८० नम्बरको मोटरसाइकल एक आपसमा ठोकिएका थिए ।
मोटरसाइकलमा सवार कार्यालय प्रमुख नायव सुब्बा मुसीकोट नगरपालिका-१ रुकुम पश्चिमका ४२ वर्षीय रावतको मृत्यु भएको जिल्ला प्रहरी कार्यालय रुपन्देहीका प्रमुख प्रहरी उपरीक्षक रंजितसिँह राठौरले जानकारी दिए । उनको उपचारको क्रममा सि.टी.अस्पताल भैरहवा मृत्यु भएको थियो ।
प्रतिक्रिया दिनुहोस !
