गृहमन्त्री लामिछानेलाई सांसद थापाको आग्रह : नैतिकताको प्रश्न धेरै गर्नुभयो,अब देखाउनुहोस्

काठमाडौं : नेपाली कांग्रेस सांसद राजु थापाले उपप्रधान एवं गृहमन्त्री रवि लामिछानेलाई नैतिकता प्रदर्शन गर्न आग्रह गरेका छन्। बुधबार प्रतिनिधिसभा बैठकमा बोल्दै नेता थापाले हिजो प्रतिपक्षीमा हुँदा नैतिकताको प्रश्न धेरै उठाएको भन्दै अब नैतिकता प्रदर्शन गर्न र नैतिकवान बनेर देखाउन गृहमन्त्री लामिछानेलाई आग्रह गरेका हुन्।

'वर्तमान गृहमन्त्री प्रतिपक्षीमा हुँदा अथवा मिडियाकर्मी हुँदा उहाँले नैतिकताको प्रश्न धेरै उठाउनु भएको  थियो। आज यो प्रश्न उहाँमाथि तेर्सिएको छ।कांग्रेसले यो कुरा राजनीतिक प्रतिशोधका कारणले उठाएको होइन। हामीले हजारौं सहकारी पीडितका आवाजहरू संसदमा उठान गरेका छौं । उहाँलाई नैतिकता प्रदर्शन गर्न र नैतिकवान बन्न सभामुखमार्फत् गृहमन्त्रीको ध्यानाकर्षण गर्न चाहन्छु।'