अर्घाखाँची : अर्घाखाँचीको सन्धिखर्कमा आज दिउँसो भएको ट्याक्टर दुर्घटना हुँदा एक जनाको मृत्यु भएको छ। सन्धिखर्क नगरपालिका-१० धरम्पानीमा लु ३ त ६४८ नम्बरको ट्याक्टर दुर्घटना हुँदा सन्धिखर्क नगरपालिका-९ राजुपानी निवासी १४ वर्षीय सन्दिप बिकको मृत्यु भएको जिल्ला प्रहरी कार्यालय अर्घाखाँचीका प्रहरी निरीक्षक दिपेन्द्र रावलले जानकारी दिए।
मुढा बोकेको ट्याक्टर आदर्श आधारभूत विद्यालयको घुम्ती नजिकै ट्राली फुत्किदा ट्रालीमा रहेका काठका मुढाले च्यापिएर बिकको घटनास्थलमै मृत्यु भएको प्रहरीको भनाइ छ। घटनाबारे थप अनुसन्धान भइरहेको प्रहरीले जनाएको छ।
प्रतिक्रिया दिनुहोस !
