अछाम : अछामको मेल्लेख गाउँपालिकामा ट्याक्टर दुर्घटना हुँदा मृत्यु भएका ५ जनाकै सनाखत भएको छ। सोमबार बिहान मेल्लेख गाउँपालिका ७ नन्देगडाको सुयडामा ट्याक्टर दुर्घटना हुँदा ५ जनाको मृत्यु भएको छ भने ३ जना घाइते भएका छन्।
मृत्यु हुने ५ जना मेल्लेख गाउँपालिका १ ऋषीदहका रहेका छन्। मुत्यु हुनेमा ५५ वर्षीया रंग धामी,४५ वर्षीया प्रेम धामी,३७ वर्षीया नरबहादुर धामी,१५ वर्षीया जनक धामी र २१ वर्षीया जनक धामी रहेका प्रहरीले जनाएको छ।
त्यस्तै घाइते ३ जना लालहादुर धामी, हंस धामी र देवेन्द्र धामीको बयालपाटा अस्पतालमा उपचार भइरहेको छ। मेल्लेखको षोडशाबाट साँफेबगरतर्फ आउँदै गरेको ०१००२ त ४९७९ नम्बरको ट्याक्टर दुर्घटना भएको जिल्ला प्रहरी प्रमुख सन्तोष पाठकले बताए। बिहान ९ बजेर ४५ मिनेटमा ट्याक्टर एक्कासी अनियन्त्रित भइ २०० मिटर तल खसेको डीएसपी पाठकले जानकारी दिए।
प्रतिक्रिया दिनुहोस !
