जसपाका नेता दीपक कार्की वन तथा वातावरण राज्यमन्त्री नियुक्त, आजै शपथ
चैत १२, २०८० सोमबार १४:५०:१४
काठमाडौं : प्रधानमन्त्री पुष्पकमल दाहाल 'प्रचण्ड' ले जनता समाजवादी पार्टीका सांसद दीपक कार्कीलाई वन तथा वातावरण राज्यमन्त्री नियुक्त गरेका छन्।
नेपालको संविधानको धारा ७६ को उपधारा (९) बमोजिम प्रधानमन्त्री दाहालले कार्कीलाई राज्यमन्त्री पदमा नियुक्त गरेका हुन्। राज्य मन्त्रीमा नियुक्त भएका कार्कीले आजै शपथ लिने जनाइएको छ।
धनुषा क्षेत्र नम्बर १ मा माओवादी केन्द्रका मातृका यादवलाई हराउँदै कार्की विजयी भएका थिए।
यसअघि जसपाका अध्यक्ष उपेन्द्र यादव स्वास्थ्य मन्त्री बनेका छन्।
प्रतिक्रिया दिनुहोस !
