रौतहट : गरुडा नगरपालिका-४ स्थित कुशवाहा इन्टरप्राइजेजमा गएराति करिब १२ बजेतिर आगलागी भएको छ।
आगलागी हुँदा गाडीको स्पेयर पार्ट र मोटरसाइकल, जिप, कारको सामानहरू जलेर नष्ट भएको इन्टरप्राइजेजका प्रोप्राइटर दिलीप कुमार कुशवाहले बताए।
आगलागी हुँदा करिब ६ करोड बराबरको स्पेयर पार्ट र चार तले घरमा रहेको सामानहरू जलेर नष्ट भएको प्रोप्राइटर कुशवाहाले बताए।होलीको समयमा पुर्ख्यौली घर गएका कुशवाहाको पसल रहेको घरमा सोमबार राति अचानक आगलागी सुरु भएको स्थानीयले बताए।
मोटरसाइकल पार्ट्स, घर र फर्निचरमा समेत आगलागी भएको थियो। घटनाबारे अनुसन्धान भइरहेको इलाका प्रहरी कार्यालय गरुडाले जनाएको छ।
प्रतिक्रिया दिनुहोस !
