धनकुटा : धनकुटामा पिकअपको ठक्करबाट ट्रक चालकको मृत्यु भएको छ। सिराहको लाहान गोलबजार घर भई हाल धनकुटाको धनकुटा नगरपालिका-९ गुठिटार बस्ने ३० वर्षीया निरज ठकुरीको घटनास्थलमा नै मृत्यु भएको हो।
धनकुटा नगरपालिका-६ कोल्ड स्टोरस्थित कोशी लोकमार्गमा सिधुवाबाट धनकुटा तर्फ आउँदै गरेको बा प्र ०१-०२६ च ८९९२ नम्बरको पिक अचानक बेक्र फेल भई सडकको साइडमा रोकेर ग्यास लोड गर्दै गरेको बा प्र ०१-००६ ख ४६५२ नम्बरको ट्रकमा ठोकिँएको थियो।
पिकअपले ठक्कर दिँदा ग्यास लोड गर्दै गरेका ट्रक माथिबाट चालक खसेका थिए। पिकअप चालक धादिङको सिद्धलेख गाउँपालिका-३ का ३८ वर्षीय चेतबहादुर विशुँखेलाई जिल्ला प्रहरी कार्यालयको टोलीले नियन्त्रणमा लिएको छ।
प्रतिक्रिया दिनुहोस !
