काभ्रे : चैत्र ११ गते होलीको दिन हराएका एक जना बालक झुण्डिएको आवस्थामा फेला परेका छन्। काभ्रे जिल्लाको नमोबुद्ध नगरपालिका वडा नं.५ डाँडागाउँ (गाङ्नाम्सा) निवासी १३ वर्षीय सुनिप तामाङ चैत्र ११ गते १० बजेको समयमा होलीको दिन आफ्नै घरबाट हराइरहेका थिए।
शुक्रबार दिउँसो बालक मृत अवस्थामा जंगलमा झुण्डिएको अवस्थामा शुक्रबार फेला परेको प्रहरीले जनाएको छ। गहुंगोरो वर्णको कालो टिसर्ट, कालो पाइन्ट, कालो ज्याकेट र सेतो जुत्ता लगाएका आफ्ना छोराको खोजी गरिदिन परिवारले प्रहरी र सञ्चारकर्मीलाई यसअघि नै आग्रह गरेका थिए।
स्थानीयका अनुसार मृत भेटिएका बालकको शव जङ्गलमा झुण्डिएको आवस्थामा भेटिएको बताइन्छ। शव पोष्टमार्टमका लागि धुलिखेल अस्पतालमा ल्याइ थप अनुसन्धान अगाडि बढाएको जनाएको छ।
प्रतिक्रिया दिनुहोस !
