संसदीय सुनुवाइ प्रक्रिया सुरू
महालेखापरीक्षक तोयम रायाविरुद्ध उजुरी दिन १० दिनको म्याद
चैत १९, २०८० सोमबार ११:१८:४६
काठमाडौं : महालेखापरीक्षकमा सिफारिस भएका तोयम रायाको संसदीय सुनुवाइ प्रक्रिया सुरू भएको छ। सोमबार नयाँ बानेश्वरस्थित संसद भवनको शंकर हलमा बसेको संसदीय सुनुवाइ समितिको बैठकले रायाविरुद्ध उजुरी दिन १० दिनको समय दिएको संघीय संसदका महासचिव पद्मप्रसाद पाण्डेले जानकारी दिए।
आइतबार बसेको संवैधानिक परिषद्ले राष्ट्रिय तथ्यांक कार्यालयका सचिव रायाको नाम महालेखा परीक्षकको लागि सिफारिस गरेको हो। गत जेठ १० गते महालेखा परीक्षक टंकमणि शर्माको पदावधि सकिएपछि सो पद रिक्त थियो।
संसदीय सुनुवाइपछि राष्ट्रपतिले महालेखा परीक्षक नियुक्त गर्ने संवैधानिक प्रावधान छ।
प्रतिक्रिया दिनुहोस !
