काभ्रे : काभ्रेको बनेपामा बाँसको झ्याङमा भरुवा बन्दुक फेला परेको छ । बनेपा नगरपालिका वडा नं १ लामिछाने गाउँको एक स्थानीयको खेत नजिकै बाँसको झ्याङमा भरुवा बन्दुक भेटिएको हो। अहिले प्रहरीले अनुसन्धान गरिरहेको जिल्ला प्रहरी कार्यालय काभ्रेका डीएसपी राजकुमार श्रेष्ठले जानकारी दिए ।
खेत नजिक कसैले छोडिएको अवस्थामा बन्दुक देखिपछि इलाका प्रहरी बनेपाबाट प्रहरीको टोलीले मुचुल्कासहित बन्दुक जिल्ला प्रहरी कार्यालय ल्याएर थप अनुसन्धान भइरहेको डीएसपी श्रेष्ठले अन्नपूर्णलाई जानकारी दिए ।
बुधबार बिहान बाँसको झ्याङमा एक नाल भरुवा बन्दुक ठाडोगरी बेवारिसे अवस्थमा देखेपछि स्थनीयबासी त्रसित भएका थिए । बन्दुक कसले के प्रयोजनको लागि खेत नजिक राखियो यसबारे प्रहरीले अनुसन्धान गर्नु पर्ने एक स्थानीयले बताए ।
प्रतिक्रिया दिनुहोस !
