स्याङ्जा : नेकपा एमाले अध्यक्ष केपी शर्मा ओलीले वामपन्थीहरू आफ्नै सरकार गिराउन पनि पछि नपर्ने बताएका छन्। उनले नेपालका वामपन्थीहरू वामपन्थीजस्ता नभएको आरोप लगाए।
स्याङ्जामा आयोजित कार्यक्रममा बोल्दै उनले एमालेविरुद्ध देशी-विदेशी शक्ति र अदालतसमेत लागिपरेको बताए। उनले राजतन्त्र र पञ्चायती शासन ब्यवस्थाविरुद्धको अभियानका क्रममा उनले २०४२ सालदेखि एक वर्ष स्याङ्जा कारागारमा बिताएको बताए।
उनले मिसन २०८४ लाई स्मरण गराउँदै अधिवेशनमा गुटगट प्रतिस्पर्धा नगर्न सुझाव दिए। नेताले कार्यकर्ता नभिडाउन र पार्टी एक ढिक्का बनाउन उनको निर्देशन थियो। पूर्वप्रधानमन्त्रीसमेत रहेका ओलीले आउँदो निर्वाचनमा संघ, प्रदेश र स्थानीय तहमा बहुमत ल्याउनेगरी तयारीमा जुट्न कार्यकताईलाई निर्देशन दिए।
यसअघिको गठबन्धन खरानीको डल्लो भएकाले त्यसलाई पराजित गरेको बताउँदै उनले अहिलेको सत्तासमीकरण बलियो रहेकाले नटुट्ने दाबी गरे।
प्रतिक्रिया दिनुहोस !
