सिन्धुली : सिन्धुलीको फिक्कल गाउँपालिका-४ छत्रेवरमा आगलागी हुँदा घरगोठसँगै चौपाया जलेर खरानी भएका छन्। स्थानीय निर्मल बहादुर मगरको गोठमा सल्केको आगो घर र गोठमा सल्कँदा अन्नपात, लत्ताकपडा, भाँडाकुडाका साथै केही नगद समेत जलेर नष्ट भएका छन्।
स्थानीय नवराज पहाडीका अनुसार मगरको गोठमा रहेका ९ वटा खसी बाख्रा लगायतको चौपायाको समेत जलेर मृत्यु भएको छ। आगो निभाउने क्रममा आगलागी पीडित निर्मल मगर स्वयंम घाइते भएका छन्।
उनको स्थानीय स्वास्थ्य संस्थामा उपचार भइरहेको छ। आगलागीबाट करिब साढे पाँच लाख रुपैयाँ बराबरको क्षति भएको बताइएको छ। आगो अहिले नियन्त्रणमा आएको स्थानीयले बताएका छन्। योसँगै सिन्धुलीमा यस वर्ष मात्र १९ वटा घरगोठ आगलागीबाट जलेका छन्।
प्रतिक्रिया दिनुहोस !
