वीरगन्ज : पर्साको धोबिनी गाउँपालिका-३ गुलरिया गाउँमा सोमबार राति आगलागी हुँदा चार घर जलेर नष्ट भएका छन्। बिजुलीको तार सर्ट भएर लागेको आगोबाट स्थानीय मनिफ मियाँ,राजेन्द्र राउत कुर्मी,फडिन्द्र राउत कुर्मी र रविन्द्र पटेलको फुसको घर पूर्णरूपमा जलेर नष्ट भएको ईलाका प्रहरी कार्यालय लंगडीका प्रहरी नायव निरीक्षक तोजेन्द्र बिसीले जानकारी दिए।
सोमबार राति करिब १२ बजेतिर मनिफको घरमा बिजुलीको तार सर्ट भएर सुरु भएको आगलागी छिमेकीहरुको घरमा पनि सल्किएको बिसीले बताए। वारुण यन्त्रको मद्धतमा प्रहरी र स्थानीयबासीले मिलेर आगो निभाइएको छ।
आगलागीमा परी चार वटै फुसको घर पूर्णरूपमा जलेकाले त्यसबाट अन्दाजी १५/१६ लाख रुपैयाँ बराबरको क्षति भएको प्रारम्भिक अनुमान गरिएको प्रहरी नायब निरीक्षक बिसीले बताए।
प्रतिक्रिया दिनुहोस !
