इलाम : इलाम - २ मा भएको प्रतिनिधि सभाको उपनिर्वाचनमा नेकपा एमालेका उम्मेदवार सुहाङ नेम्बाङले दुईवटा पालिकको गणना सम्पन्न हुँदा फराकिलो मतान्तर बनाएका छन् । इलामको फाकफोकथुम गाउँपालिकार चुलाचुली गाउँपालिकाको सबै वडाको मत गणना हुँदा नेम्वाङले २ हजार ६१८ मतले अग्रता लिएका हुन् ।
चुलाचुली गाउँपालिकामा कांग्रेसको उपस्थिती राम्रो भएपनि यस पटक कांग्रेसले सबै वडामा पराजय भोगेको छ । त्यहाँ एमाले पहिलो,पहिचानवादी उम्मेद्धार डकेन्द्रसिंह थेगिम दोस्रो र नेपाली कांग्रेस तेस्रो भएको छ ।
हेर्नुस् चुलाचुली गाउँपालिकाको मत परिणाम
पछिल्लो परिणामा अनुसार सुहाङले ८ हजार ८९८ मत पाएका छन् भने नेपाली कांग्रेसका डम्बर बहादुर खड्काले ६ हजार २८० मत पाएका छन् । फाकफोकथुमको मत परिणाम आउँदा कमजोर देखिएका डकेन्द्र सिंह थेगिम चुलाचुली गाउँपालिकाको मतगणना शुरु भएपछि मतान्तर घटाउन सफल भएका थिए । मुढा चिन्हधारी उनले ४ हजार ६३४ मत प्राप्त गरेका छन् । रास्वपाका उम्मेदवार मिलन लिम्बु १ हजार ३०५ मत पाएर चौथो स्थानमा छन् । यस्तो छ अहिले सम्मको मत परिणाम
प्रतिक्रिया दिनुहोस !
