बझाङ : प्रदेश सभाको बझाङ–१ (१) को मतगणनामा एमालेले पुन: अग्रता कायम गरेको छ। एमालेका दमनबहादुर भण्डारीले ९ हजार ८८९ मत ल्याएर अग्रता बनाइरहेका छन्। नेपाली कांग्रेसका अभिषेक बहादुर सिंहले ९ हजार ८८० मतले पछ्याइरहेका छन्। उनीहरुबीचको मतान्तर ९ मत रहेको छ।
तेस्रो स्थानमा रहेको माओवादीका उम्मेदवार जनकबहादुर बुढाको ३ हजार ६६३ मत रहेको छ। एकीकृत समाजवादीले २ हजार ४०५ मत प्राप्त गरेको छ।
छबिसपाथिभेरा,थलारा ९, खप्तडछान्ना, जयपृथ्वी, सुर्मा हुँदै तल्कोट गाउँपालिका १,२,३ वडाको मत गणना सकिएको छ। अब तलकोट गाउँपालिकाको वडा नम्बर ४/५/६ र ७, साईपाल गाउँपालिकाको वडा नम्बर १ देखि ५ सम्म सबै वडाको मतगणना गर्न बाँकी छ । जम्मा ९ वडा वडाको मतगणना गर्न बाँकीरहेको निर्वाचन अधिकृतको कार्यालयले जनाएको छ।
प्रतिक्रिया दिनुहोस !
