मकवानपुर : नेपाली कांग्रेस मकवानपुरले कोषाध्यक्ष होमनाथ गौतमलाई पदमुक्त गरेको छ। केही दिन अघि बसेको कांग्रेस जिल्ला कार्यसमितिको पूर्ण बैठकले उनलाई पदमुक्त गर्ने निर्णय गरेको सभापति बुद्ध लामाले जानकारी दिए।
नियमित बैठकमा नआउने, पदीय जिम्मेवारी बहन नगर्ने र पटक–पटक पत्राचार गर्दा समेत वेवास्ता गर्ने गरेकोले गौतमलाई जिम्मेवारीबाट हटाइएको उनले बताए। ‘उहाँ निष्क्रिय हुनुभयो, कोषाध्यक्ष नै निष्क्रिय हुँदा पार्टीका हरेक गतिविधि सञ्चालन गर्न कठिनाइ भएको भन्ने सुझाव जिल्ला कार्यसमितिको पूर्ण बैठकमा उठेपछि उहाँलाई पदमुक्त गर्ने निर्णय भयो।’
प्रवक्ता अर्जुन प्रसाद चौलागाईंले भने। उनले चाँडै नै अर्को व्यक्तिलाई कोषाध्यक्षको जिम्मेवारी प्रदान गरिने समेत बताए। गौतमलाई २०७८ चैतमा कांग्रेस मकवानपुरले कोषाध्यक्ष पदमा मनोनीत गरेको थियो। उनी १४ औँ महाधिवेशनका निर्वाचित जिल्ला सदस्य हुन्।
प्रतिक्रिया दिनुहोस !
