काठमाडौं : नेपाली कांग्रेसका सभापति शेरबहादुर देउवाले अहिलेको चुनौतीको सामना गर्न पार्टीलाई एकताबद्धरूपमा अघि बढाउनुपर्ने बताएका छन्।
नेपाल लोकतान्त्रिक खेलकुद संघको १०औं स्थापना दिवसको अवसरमा शुक्रबार काठमाडौंमा आयोजित कार्यक्रममा देउवाले अहिले देशभित्र निकै चुनौती देखिएको भन्दै यसलाई सामना गर्न एकताबद्ध भएर अघि बढ्नुपर्ने बताएका हुन्।
यसअघि जस्तै अहिलेको चुनौति समाधान गर्न कांग्रेस सफल हुने उनको विश्वास छ। सभापति देउवाले देशमा खेलकुद प्रति युवाहरूको आकर्षण रहेको भन्दै खेल क्षेत्रको विकासमा सबै गम्भीर भएर लाग्नुपर्ने धारणा राखे।
त्यस्तै कांग्रेस उपसभापति धनराज गुरुङले गालीको राजनीतिका कारण दलहरूबीच रिक्तता खडा भएको बताए। उनले राजनीतिलाई सही ट्रयाकमा ल्याउने काम कांग्रेसकै भएकाले निराशालाई आशामा बदल्ने जिम्मेवारी पूरा गर्नुपर्नेमा जोड दिए।
प्रतिक्रिया दिनुहोस !
