काठमाडौं : नेकपा एकता राष्ट्रिय अभियानका संयोजक वामदेव गौतमले आफू निकै अघिदेखि एमालेमा आउन चाहेको बताएका छन्। उचित जिम्मेवारी दिए एमालेमा आउन तयार रहेको उनले बताए।
सोमबार ललितपुरमा आयोजित वरिष्ठ राजनीतिज्ञ सिद्धिलाल ज्ञवाली स्मृति ग्रन्थ विमोचन कार्यक्रममा उनले यसअघिका गल्ती कमजोरीको आत्मालोचना गर्दै एमालेमा आउन चाहेको बताए। उनले २०५४ सालको एमाले विभाजनमा आफ्नो कुनै भूमिका नरहेको जिकिर गरेका थिए।
गौतमले एमालेलाई सहयोग गर्ने गरी आफू आउन चाहेको र ८४ को निर्वाचनमा अहिलेको भन्दा बढी उपलब्धि हासिल गर्न सकिने बताए। कार्यक्रममा नेकपा एमाले अध्यक्ष केपी शर्मा ओली पनि सहभागी थिए।
प्रतिक्रिया दिनुहोस !
