वीरगन्ज : राष्ट्रिय स्वतन्त्र पार्टी (रास्वपा)ले वीरगन्ज र आसपासका क्षेत्रमा विद्युत आपूर्तिमा भइरहेको समस्या तत्काल समधान नगरिए आन्दोलनमा उत्रिने चेतावनी दिएको छ।
गर्मी सुरु भएसँगै वीरगन्ज र आसपासको क्षेत्रमा पटक-पटक बिजुलीको लाइन कट्ने समस्याले यहाँको जनजीवन नै कष्टकर बनेको छ। प्रचण्ड गर्मीले जनजीवन नै अस्तव्यस्त बनिरहेका बेला छिनछिनमा बिजुलीको लाइन कट्ने गरेकाले स्थानीय थप आजित बनेका छन्।
रास्वपाको पर्सा क्षेत्र नम्बर १ का नेता-कार्यकर्ताले बिहीबार नेपाल विद्युत प्राधिकरण वीरगन्ज वितरण केन्द्रमा पुगेर ध्यानाकर्षण पत्र बुझाउँदै विद्युत आपूर्तिमा देखिएको समस्या तत्काल समाधान गर्न माग गरेका हुन्।
प्रतिक्रिया दिनुहोस !
