नीति तथा कार्यक्रममाथि रमेश लेखकको टिप्पणी : समस्या समाधान गर्न असक्षम
जेठ १, २०८१ मंगलबार १७:३३:५१
काठमाडौं : नेपाली कांग्रेसले सरकारको नीति तथा कार्यक्रम परम्परागत भएको टिप्पणी गरेको छ । सरकारको नीति तथा कार्यक्रम सार्वजनिक भएपछि संसद भवन नयाँ बानेश्वरमा सञ्चारकर्मीसँग कुरा गर्दै कांग्रेस मुख्य सचेतक रमेश लेखकले जनताको समस्या समाधान गर्न असक्षम देखिएको कार्यक्रम परम्परागत भएको टिप्पणी गरेका हुन्।
उनले सरकारको कार्यक्रममा कुनै उत्साह नदेखिएको धारणा राखे । उनले सहकारी प्रकरणमा पीडितलाई न्यायका साथै दोषीलाई कारवाही गर्ने प्रतिवद्धता नआएको जिकिर गरे। सरकार सहकारी पीडितहरूको मर्काप्रति संवेदनशील नरहेको उनको भनाइ छ ।
उनले सरकारको नीति तथा कार्यक्रममा धेरै महत्वपूर्ण विषय छुटेको बताए।
प्रतिक्रिया दिनुहोस !
