संसदीय छानबिन समितिको माग गर्दै संसद् भवन अगाडि नेविसंघको प्रदर्शन
जेठ ४, २०८१ शुक्रबार १५:८:३३
काठमाडौं : नेपाल विद्यार्थी संघ (नेविसंघ) ले छानबिन समिति गठनको माग गर्दै प्रदर्शन गरेको छ। नेविसंघले बानेश्वरस्थित संसद् भवन अगाडि विरोध प्रर्दशन गरेको हो। प्रदर्शनमा सहभागीहरूले टाउकोमा कालोपट्टी बाँधेर विरोधस्वरुप कालोझण्डा देखाएका थिए।
सहकारी ठगीमा मुछिएका उपप्रधान एवं गृहमन्त्री रवि लामिछानेमाथि अनुसन्धान गर्न संसदीय छानबिन समिति गठनको माग गर्दै उनीहरूले प्रदर्शन गरेका हुन्।
उनीहरूले सहकारी पीडितहरूलाई न्याय दिनुपर्ने माग गरेका थिए। प्रदर्शनका क्रममा केही प्रदर्शनकारीलाई प्रहरीले नियन्त्रणमा लिएको छ। संसदीय छानबिन समिति गठनको माग गर्दै प्रमुख प्रतिपक्षी दल नेपाली कांग्रेसले संघीय सदनका दुवै बैठकमा अवरोध जनाउँदै आएको छ।
कांग्रेसले अवरोध जनाएपछि आजका लागि बसेको राष्ट्रियसभा बैठक आइतबारसम्मका लागि स्थगित भएको छ भने प्रतिनिधिसभा बैठक बस्न सकेको छैन।
प्रतिक्रिया दिनुहोस !
