वीरेन्द्रनगर : सुर्खेतको वीरेन्द्रनगरस्थित कटकुवामा बस दुर्घटना हुँदा दुई जनाको मृत्यु भएको छ। मृतकको पहिचान खुलेको छैन। दैलेखदेखि सुर्खेतको वीरेन्द्रनगर आउँदै गरेको कर्णाली प्रदेश ०२–००१ ख ०८५२ नम्बरको मिनी बस काठकुवामा दुर्घटना भएको हो।
दुई जनाको घटनास्थलमै मृत्यु भएको जिल्ला प्रहरी कार्यालय सर्खेतका प्रमुख एसपी रुपेश खड्काले जानकारी दिए। उनका अनुसार दुर्घटनामा घाइते भएकाहरूको उद्धार कार्य भइरहेको छ। उनले भने, ‘बसमा १५ जनाभन्दा बढी भएको अनुमान छ। हामी घाइतेलाई उद्धार गर्दै अस्पताल पुर्याइरहेका छौँ। मृतकको पहिचान खुलेको छैन। घाइतेहरूको विवरण संकलन भइसकेको छैन।’ बस सोमबार दिउँसो साढे १ बजे दुर्घटना भएको हो।
प्रतिक्रिया दिनुहोस !
१
