बुद्ध जयन्तीको शुभकामना दिंदै देउवाले भने : देशमा शान्ति कायम होस्, जनताले सबै प्रकारका दमनबाट मुक्ति पाऊन्
जेठ १०, २०८१ बिहीबार ७:४१:३४
काठमाडौं : नेपाली कांग्रेसका सभापति एवं पूर्वप्रधानमन्त्री शेरबहादुर देउवाले बुद्ध जयन्तीको शुभकामना दिएकाका छन्। बुद्ध जयन्तीका अवसरमा आज शुभकामना सन्देश जारी गरेर उनले सम्पूर्ण नेपालीमा सुख, शान्ति, समृद्धि एवं उत्तरोत्तर प्रगतिको कामना गरेका हुन्।
'हाम्रो देश अझै पनि हिंसा, मानव अधिकार प्रतिकूल घटनाबाट मुक्त हुन सकेको छैन। मानव अधिकार विरोधी क्रियाकलाप सदाका लागि अन्त्य गर्न सबैले आ–आफ्नो क्षेत्रबाट जिम्मेवारीपूर्वक काम गर्नुपर्छ', उनले भने।
साथै पूर्वप्रधानमन्त्री देउवाले शान्ति, सहिष्णुता तथा सद्भावका प्रणेता गौतम बुद्धको उपदेशलाई सबैले मन, वचन र कर्मले पालना गर्न आह्वान गरेका छन्।
'अशान्ति, हत्या र हिंसाको विरोध गरौँ । देशमा शान्ति कायम होस्, सबै प्रकारका दमनबाट सबैले मुक्ति पाऊन्', उनले शुभकामना सन्देशमा भनेका छन्।
प्रतिक्रिया दिनुहोस !
