दुईवटा राहदानीका विषयमा गृहमन्त्री लामिछानेमाथि छानबिन हुनुपर्छ : शेखर कोइराला
जेठ १०, २०८१ बिहीबार १२:४:७
विराटनगर : नेपाली कांग्रेसका वरिष्ठ नेता डा.शेखर कोइरालाले मुलुक दिशाविहिन रुपमा अघि बढिरहेको बताएका छन्। बिहीबार नेपाल प्रेस युनियनको ३३ औं स्थापना दिवसको अवसरमा विराटनगरमा आयोजना गरिएको कार्यक्रममा कोइरालाले मुलुक अधिनायकवाद र निरकुंशता तर्फअग्रसर हुँदै गएकाले पत्रकारहरूले सचेत हुनुपर्ने समेत बताए।
उनले पत्रकारहरूलाई तर्साउने गरी कुनै पनि काम नगर्न सरकारलाई आग्रह गरे । कोइरालाले सहकारी ठगी काण्ड लुकाउने र संरक्षण गर्ने कार्य कुनै हालतमा सह्य नहुने जिकिर गर्दै प्रहरी प्रशासनलाई निष्पक्ष र स्वतन्त्र रुपमा काम गर्न दिने वातावरण बनाउनुपर्ने धारणा राखे।
उनले कैलाश सिरोहीयालाई प्रतिशोध साध्न पक्राउ गरेको भन्दै दुईवटा राहदानी र नागरिकताका विषयमा पनि गृहमन्त्रीमाथि छानविन हुनुपर्ने बताए।
प्रतिक्रिया दिनुहोस !
