काभ्रे : खशी चोरीको आरोपमा एक जना पक्राउ परेका छन् । पक्राउ पर्नेमा काभ्रेपलाञ्चोक जिल्लाको बनेपा नगरपालिका-८ नयाँ बस्तीका ५७ वर्षीय जुजुकाजी सिफर रहेका छन्।
उनलाई खशी चोरी गरेको आरोपमा पक्राउ गरिएको इलाका प्रहरी कार्यालय बनेपाले जनाएको छ । प्रहरीका अनुसार जेठ ८ गते दिउँसो ३ बजे भक्तपुरको सुर्यविनायक नगरपालिका-८ स्थित अस्थायी प्रहरी पोष्ट आशापुरीबाट खटिएको प्रहरी गस्ती टोलीले सवारी साधन चेक जाँच गर्ने क्रममा उनलाई पक्राउ गरेको हो।
उक्त खसी काभ्रेपलाञ्चोक जिल्लाको पनौती नगरपालिका-३ तिनखुट्टे स्थित बस्ने रुद्र प्रसाद सापकोटाको घर गोठमा बाँधि राखेको भेटिएपछि उनी पक्राउ परेका हुन्। उनलाई काभ्रेपलाञ्चोक जिल्ला अदालतबाट म्याद थप गरेर अनुसन्धान गरिरहेको बताइएको छ । पक्राउ परेका सिफरबाट प्रहरीले बा ७० प ६५२५ नम्बरको स्कुटर थान–१, ३८ केजीको सेतो रंगको खसी बरामद गरेको छ।
प्रतिक्रिया दिनुहोस !
