धनुषा जिल्ला लिग फुटबल सुरु
![धनुषा जिल्ला लिग फुटबल सुरु](https://annapurnapost.prixacdn.net/media/albums/dhanusha-jilla-league_5jV8pv8q5I_nYBb0j31Fd.jpg)
जनकपुर : जनकपुरमा एन्फा धनुषा जिल्ला लिग फुटबल सुरु भएको छ। जिल्ला फुटबल संघको आयोजनामा जनकपुर-१३ स्थित कभर्डहल फुटबल खेल मैदानमा जिल्ला लिग सुरु भएको हो। १० टिम सहभागी खेल अषाढ ४ गते सम्म सञ्चालन हुने छ।
जनकपुरधाम उप महानगरपालिकाका मेयर मनोज साहले रेफ्रिलाई फुटबल हस्तान्तरण गर्दै जनकपुरको खेलकुद विकासकालागि उप महानगर भित्र ५ खेल मैदान व्यवस्थित गर्ने योजना अगाडि बढाएको बताए। खेलकुदको विकासकालागि राजनीति दल एकमत हुनु पर्ने मेयर साहले भने। पहिलो दिनको खेल जनकपुर स्पोर्टस र बेगांडाबर बीच भएको खेल ३र३ गोलको बराबरीमा टुंगिएको छ। जनकपुर स्पोर्टसको तर्फबाट शिव माझी २ गरे भने बेगांडाबरको तर्फबाट धनबहादुर मगर २ र पशाङ लामाले १ गोल गरे।
जनकपुर स्पोर्टसको तर्फबाट २ गोल गरेका १७ नम्बरका खेलाडी शिव माझी म्यान अफ द म्याच चुनिए। आइतबार दोश्रो दिनको खेल यज्ञभुमि युवा समाज धारनपानिसंग उन्नतिशिल मुडिवाले प्रतिस्पर्धा गर्ने जिल्ला फुटबल संघ धनुषाका सदस्य तपेश्वर राउतले बताए।
प्रतिक्रिया दिनुहोस !
![Unity](https://annapurnapost.prixacdn.net/static/assets/images/unity-logo.png)