काठमाडौं : सरकारले कृषि क्षेत्रको विकासका लागि 'कृषिमा लगानी दशक' घोषणा गरेको छ। मंगलबार आगामी आर्थिक वर्ष २०८१/०८२ को बजेट सार्वजनिक गर्दै अर्थमन्त्री वर्षमान पुनले भूगोल,बजार सम्भाव्यता,कृषि उपजका आधारमा विशेष क्षेत्र घोषणा गरिने बताए।
मन्त्री पुनले सरकार किसान र व्यवसायी मिलेर करार खेति प्रवर्द्धन गरिने बताए। कृषि उपज प्रशोधन र निर्यात गर्नेलाई उत्पादित उपजका आधारमा कर्जामा ब्याज,अनुदान, मल बिउ प्रदान गरिने भएको छ।
हिमाल र पहाडमा ५० रोपनी तथा तराईमा १० विघाभन्दा बढी जग्गामा एकीकरण र चक्लाबन्दी गरी व्यवसायिक खेति,पशुपालन गर्नेलाई मेसिनरी तथा पार्टपुर्जा खरिदमा कर छुट तथा कर्जामा ब्याज अनुदान दिइने बजेटमा उल्लेख छ।
प्रतिक्रिया दिनुहोस !
