काठमाडौं : धनगढीमा रहेको सहिद दशरथचन्द्र स्वास्थ्य विज्ञान विश्वविद्यालय सञ्चालनमा आउने भएको छ। मंगलबार आर्थिक वर्ष २०८१/०८२ को बजेट प्रस्तुत गर्दै अर्थमन्त्री वर्षमान पुनले सहिद दशरथचन्द्र स्वास्थ्य विज्ञान विश्वविद्यालय सञ्चालनमा आउने बताएका हुन्।
सरकारले २०७९ साल माघ ३० गते कैलालीको गेटा मेडिकल कलेजलाई सहिद दशरथ चन्द राष्ट्रिय स्वास्थ्य विज्ञान विश्वविद्यालय बनाउने निर्णय गरेको थियो।
मन्त्री पुनले पोखरा, बर्दिबास, बुटवल र सुर्खेतमा मेडिकल कलेज स्थापना गर्ने कार्य अगाडि बढाइने बताए। उदयपुर, मोरङ, पर्सा र चितवनमा मेडिकल कलेज स्थापनाका लागि सम्भाव्यता अध्ययन गरिनेछ।
मन्त्री पुनले त्रिभुवन विद्यालयलाई उत्कृष्ट प्राज्ञिक केन्द्रको रुपमा विकास गरिने बताउँदै विश्वविद्यालयका अनुसन्धान केन्द्रलाई ज्ञान र प्रविधि हस्तान्तरण गर्ने संवाहको रुपमा विकास गरिने बताए।
प्रतिक्रिया दिनुहोस !
