हेटौंडा : मकवानपुरमा सवारी दुर्घटना हुँदा दुई जनाको मृत्यु भएको छ भने तीन जना गम्भीर घाइते भएका छन्।
भीमफेदी गाउँपालिका-६ स्थित जुरिखेतमा आज दिउँसो कार अनियन्त्रित भई दुर्घटना हुँदा एक बालक र एक युवकको मृत्यु भएको हो।
काठमाडौंबाट हेटौंडातर्फ आउँदै गरेको बा६च ९३६९ नम्बरको कार अनियन्त्रित भएर सडकबाट करिब दुईसय ५० मिटर तल खसेको थियो।
जिल्ला प्रहरी कार्यालयका अनुसार मृतक र घाइतेहरूको पहिचान खुलेको छैन। प्रहरीका अनुसार मृत्यु हुनेमा १ वर्षीय बालक र करिब ४० वर्षीय युवक छन्। घाइतेमध्ये २ जनाको अवस्था चिन्ताजनक रहेको प्रहरीले जनाएको छ।
प्रतिक्रिया दिनुहोस !
