काठमाडौं : अन्नपूर्ण मिडिया नेटवर्क (एएमएन)ले तेस्रो संस्करणको विद्युतीय सवारी र्याली (इभी र्याली) गर्ने भएको छ। विश्व वातावरण दिवसको अवसरमा जेठ २६ गते (जुन ८)मा र्याली गर्न लागिएको हो।
हेल द पोलुसन फाइटर्स नारा दिइएको एएमएन इभी र्याली काठमाडौंको भृकुटीमण्डपबाट सुरू हुनेछ। र्यालीमा कार, स्कुटर, ट्याम्पो, बसलगायतका विद्युतीय सवारी धनी सहभागी हुन सक्नेछन्। सहभागी हुनेहरूले अनिवार्यरूपमा रजिस्ट्रेशन गर्नुपर्ने एएनएमले जानकारी दिएको छ। रजिट्रेशन निशुल्क रहेको छ।
यसबीचमा र्यालीको तयारीका लागि एएमएन टोली इभी शोरूम पुगेर धन्यवाद ज्ञापन गर्दै आएको छ। वातावरण जोगाउन इभी सवारीसाधनले राम्रो भूमिका खेलिरहेको भन्दै टोलीले इभी शोरूमहरूलाई धन्यवाद दिँदै आएको हो।
यहाँ क्लिक गरेर रजिस्ट्रेशन गर्न सकिन्छ।
प्रतिक्रिया दिनुहोस !
