हेटौंडा : मकवानपुरको मनहरी गाउँपालिका-९ ज्यामिरे स्थित पूर्व पश्चिम सडक खण्डमा बस दुर्घटना हुँदा २० जना घाइते भएका छन्। शुक्रबार बिहान करिब २ बजे काँकडभिट्टाबाट नेपालगंज जाँदै गरेको ना.५ ख ५५१५ नम्बरको यात्रुबाहक बस दुर्घटना भएको हो।
बसको अगाडीको पट्टा भाचिएर अनियन्त्रित हुँदा दाहिने साइडको नालीमा खसेको थियो। बस कोल्टे हुँदा उक्त बसमा सवार मध्य २० जना सामान्य घाइते भएका जिल्ला प्रहरी कार्यालय मकवानपुरले जनाएको छ ।
प्रहरीका अनुसार सामान्य घाइते भएका ११ जनालाई स्थानीय मेडिकल र ९ जनालाई चितवनतर्फ उपचारका लागि पठाइएको जनाएको छ । यस्तै बसको चालक नियन्त्रणमा रहेका र घटनास्थलबाट बस निकाल्ने कार्य भइरहेको प्रहरीले जनाएको छ।
प्रतिक्रिया दिनुहोस !
