काठमाडौं : नेपालमा फ्रान्सेली ब्रान्ड सिट्रोनको आधिकारिक वितरक सांग्रिला मोटर्स प्राइभेट लिमिटेडले ई-सी३ लाइन अपको प्रिमियम मोडल सिट्रोन ई सी३ शाइन नेपालमा सार्वजनिक गर्दैछ।
नेपाली बजारमा चाँडै आउने यो नयाँ भेरियन्टले ड्राइभिङ अनुभवलाई नयाँ उचाइमा पुऱ्याउने उद्देश्यका साथ धेरै परिष्कृत सुविधाहरू समेटेको छ। उच्च प्रविधि र परिष्कृत सुविधाहरूले सुसज्जित सिट्रोन ई सी३ शाइन, कार उत्साहीहरूका लागि उपयुक्त विकल्प हुनेछ जसले स्टाइल र फिचर दुवैलाई महत्व दिनेछ।
यसमा थपिएका अगाडि र पछाडिको स्किड प्लेटहरू, रियर क्यामेरा, रियर वाइपर, रियर डिफ्रोस्टर, लेदर याप्ड स्टेयरिङ ह्वील, एलोय हवीलहरू, र इलेक्ट्रिकल ओआरभीएमहरू जस्ता नयाँ सुविधाहरु सबैलाई उत्कृष्ट ड्राइभिङ अनुभव प्रदान गर्न डिजाइन गरिएको हो।
सिट्रोनको ई-सी३ शाइनले विद्युतीय गाडीहरुको गतिशीलतालाई नेपाली बजारमा थप पहुँच योग्य बनाउँदै विशिष्ट अनुभव प्रदान गर्नेछ। सिट्रोन ई-सी३ शाइन र यसको आधिकारिक सार्वजनिक हुने बारे थप जानकारीको लागि सिट्रोनको अफिसियल वेवसाइट तथा शोरूममा गई थप जानकारी लिन सक्नुहुनेछ।
नेपालमा चाँडै सार्वजनिक हुन लागेको नयाँ सिट्रोन ई-सी३ शाइनसँग नवप्रवर्तन, आराम र किफायतीताको उत्तम मिश्रणको अनुभव लिन सकिने छ।
सिट्रोन एक प्रसिद्ध फ्रान्सेली अटोमोटिभ ब्रान्ड हो जसको लेगसी १०३ वर्ष भन्दा लामो रहेको छ। अटोमोटिभ उद्योगमा सिट्रोनले नवीनता, डिजाइनमा उत्कृष्टता र इन्जिनियरिङ क्षमताको प्रतीकको रूपमा स्थापित गरेको छ।
फ्रान्समा स्थापित सिट्रोनले भारतमा निर्माण कार्यहरू सहित आफ्नो विश्वव्यापी उपस्थिति विस्तार गरिरहेको छ। १९१९ देखि सिट्रोनले सामाजिक परिवर्तनहरू रुपान्तरण गर्न सवारी साधन, प्रविधि, र यातायात समाधानहरू विकास गरेको छ।
प्रतिक्रिया दिनुहोस !
