डडेल्धुरा : डडेल्धुरामा टिपर दुर्घटना हुँदा एक युवकको मृत्यु भएको छ । शनिबार राती जिल्लाको गन्यापधुरा गाउँपालिकामा टिपर दुर्घटना हुँदा अमरगढी नगरपालिका–१ का २२ वर्षीय केशव ऐरको मृत्यु भएको जिल्ला प्रहरी कार्यालय डड्ल्धुराले जनाएको छ ।
जिल्लाको भातकाँडा बजारबाट रुवाखोला जाँदै गरेका बा०१००४क २२५३ नम्बरको टिपरका सहचालक केशव ऐर मृत्यु भएको जिल्ला प्रहरी कार्यालयले जनाएको छ । दुर्घटनापछि टिपरका चालक फरार रहेका छन् भने दुर्घटनाको कारण भने खुलेको छैन ।
प्रहरी अनुसन्धानमा लागेको छ र चालकको खोजी कार्य भईरहेको प्रहरीले जनाएको छ ।
टिपर दुर्घटनामा मृत्यु भएका सहचालक । तस्बिर : समाजिक सजालबाट ।
प्रतिक्रिया दिनुहोस !
