बालेन-सडक विभागको टसल सतहमा : महानगरले भत्काएको सडक विभागले बनाउँदै
जेठ २१, २०८१ सोमबार १२:०:५१
काठमाडौं : काठमाडौं महानगरले फुटपाथ विस्तारका लागि भत्काएको न्यूरोडको पीच सडक विभागले निर्माण गर्न सुरू गरेको छ। स्थानीयहरूले जथाभावी सडक भत्काएको भन्दै सडक विभागमा उजुरी दिएका थिए।
त्यसपछि सडक विभागले न्यूरोडस्थित सडक कार्यलयलाई महानगरले भत्काएको सडक तत्काल बनाउन निर्देशन दिएको थियो। काठमाडौं महानगरका मेयर बालेन शाहले फुटपाथ विस्तार गर्न सडकको आकार घटाएका थिए।
त्यसलाई रोक्न सडक विभागले महानगरलाई पत्र पठाएको थियो। पत्रलाई वेवास्ता गरेपछि सडक विभाग महानगरले भत्काएको सडक पीच गर्न थालेको हो। यसै प्रकरणबाट महानगर र सडक विभागबीच टसल सुरू भएको छ।
प्रतिक्रिया दिनुहोस !
