बजेटबारे कुरा सुन्दा दिक्क लागेर सदनमै निदाएँ : चित्रबहादुर केसी
जेठ २१, २०८१ सोमबार १३:५७:१५
काठमाडौं : राष्ट्रिय जनमोर्चाका सांसद चित्रबहादुर केसीले संसदमा बजेटमाथिको छलफलको औचित्यमाथि प्रश्न उठाएका छन्। सोमबार प्रतिनिधिसभा बैठकमा बजेटमाथिको छलफलका क्रममा केसीले संसदमा जति बहस र छलफल गरेपनि बजेटमा कुनै परिवर्तन नहुने भएकाले बजेटमाथिको छलफलको औचित्य आफूले नदेखेको बताए ।
बजेटको छलफल उत्साहजनक नरहेकाले आफू बैठकमा निदाएको उनले बताए। उनले नेपालको संविधानमा व्यवस्था गरेबमोजिम समाजवाद उन्मुख कार्यक्रमलाई प्राथमिकता दिन नसकेको धारणा राखे। सरकारको नीति तथा कार्यक्रम भन्दा फरक रुपमा बजेट आएको उनको भनाइ छ ।
उनले बजेटले दलाल पुँजीको आगमन वृद्धिका लागि विभिन्न बाटो खुलेको तर्क गरे।
प्रतिक्रिया दिनुहोस !
