वुलिङ बिंगो इभिमाको पहुँच बढाउन नबिल बैंकसँग साझेदारीको घोषणा
जेठ २२, २०८१ मंगलबार १६:३०:३२
काठमाडौं : नेपालमा विद्युतीय गाडी वुलिङको आधिकारिक बिक्रेता प्यारामाउन्ट मोटर्स प्रालिले आफ्ना ग्राहकलाई उत्कृष्ट वित्तीय सुविधा उपलब्ध गराउन नबिल बैंकसँग औपचारिक साझेदारीको घोषणा गरेको छ।
वुलिङ बिंगो इभिमा रुचि राख्ने नेपाली ग्राहकहरूको पहुँचमा पुर्याउन र आर्थिक सहजता प्रदान गर्न यो सहकार्य गरिएको कम्पनीले जनाएको छ। चीनको गुआङ्सी, लिउझाउमा सन् १९२८ मा स्थापना भएको वुलिङले सेनाका उपकरणहरू मर्मत गर्नेदेखि विमान, खेती गर्ने मेसिन र ट्रयाक्टरहरू उत्पादन गर्ने काम गरेको थियो।
१९८० को दशकमा मित्सुबिशीसँग साझेदारी गर्दै वुलिङले गाडी उत्पादनमा प्रवेश गर्यो। सन् २००२ मा SAIC-GM-Wuling संयुक्त उद्यम स्थापना भएको थियो। जसले Wuling Hongguang MPV र HongGuang MiniEV को सफल नेतृत्व गर्यो। २०२० देखि २०२२ सम्म विश्वको सबैभन्दा धेरै बिक्री हुने सानो इलेक्ट्रिक कारको रुपमा ख्याति कमाएका यी गाडीहरू २०२३ को शुरुवातमा १.१ मिलियनभन्दा बढी बिक्री भएको थियो। आज वुलिङले गुआङ्क्सी अटोमोबाइल समूह अन्तर्गत बिजुली र जीवाश्म इन्धन SUV, MPV, पिकअपहरू, र व्यावसायिक सवारीहरू उत्पादन गर्दछ।
यो साझेदारीसँगै, Wuling Binguo EV परिवारमा सामेल हुन चाहने ग्राहकहरूले अब नबिल बैंकको उत्कृष्ट वित्तीय सुविधाहरूबाट लाभान्वित हुन सक्नुहुनेछ, जसमा ७ वर्षसम्मको फ्लोटिंग ऋण सुविधा र गाडीको मूल्यको ८० प्रतिशत सम्मको फाइनान्सिङ सुविधा लगायतका छन्। ग्राहकहरूले ५ वर्षको लागि ९.९९ प्रतिशत र ७ वर्षको लागि १०.४९ प्रतिशत को स्थिर ब्याज दरहरू, वा आधार दर + प्रिमियम मोडेलमा आधारित अस्थिर ब्याज दर (१-३ प्रतिशत को प्रिमियम र अघिल्लो तीन महिनाको औसत आधार दर) बीच छनौट गर्न सक्नेछन्।
बैंकले व्यक्तिगत कर्जाको लागि भ्याट बिलको ८० प्रतिशतसम्म र फर्मका लागि ७० प्रतिशत सम्म फाइनान्सिङ गर्नेछ। जसको वित्तीय सीमा रु. २५ लाख रहेको छ। अटो लोनको अवधि बैंकको नीति अनुसार स्ट्यान्डर्ड लोन एड्मिनिस्ट्रेसन फि सहित अधिकतम ७ वर्षसम्म लम्बिन सक्छ।
प्यारामाउन्ट मोटर्स प्रालिका प्रवक्ताले भने, ‘हामी हाम्रा ग्राहकहरूलाई Wuling Binguo EV को लागि सहज र सुलभ वित्तीय सुविधाहरू प्रदान गर्न नबिल बैंकसँग साझेदारी गर्न पाउँदा हर्षित छौं। नेपालमा विद्युतीय गतिशीलता प्रवर्द्धन गर्न र वुलिङ बिंगो ईभीलाई सबैको लागि पहुँचयोग्य बनाउने हाम्रो मिशनमा यो सहकार्य एउटा महत्वपूर्ण कोसेढुङ्गा हो।’
प्रतिक्रिया दिनुहोस !
