जनताका समस्या सुन्न घर-घरमा नगर प्रहरी परिचालन गर्दै ललितपुर महानगर
जेठ २४, २०८१ बिहीबार १३:३८:३३
ललितपुर : ललितपुर महानगरपालिकाले सुन्दर ललितपुर नगरी, घर घरमा नगर प्रहरी परिचालन कार्यक्रमको शुभारम्भ गरेको छ । जनताका समस्या प्रत्यक्ष रुपमा तत्कालै सम्बोधन गर्न उक्त कार्यक्रमको शुभारम्भ गरेको महानगरले जनाएको छ ।
नगर प्रहरी परिचालन कार्यक्रमको ललितपुर महानगरपालिकाका प्रमुख चिरीबाबु महर्जनले शुभारम्भ गरे । उनले जनताका भोग्नुपर्ने समस्याहरु सुनुवाई गर्न सुन्दर ललितपुर नगरी, घर घरमा नगर प्रहरी परिचालन सञ्चालन गरिएको बताए ।
कार्यक्रमले स्थानीय सरकारको महशुस जनताले प्रत्यक्ष रुपमा गर्न सक्ने उनको विश्वास छ । त्यस्तै उनले महानगरलाई वातावरणमैत्री बनाउन विभिन्न स्थानमा वृक्षारोपण अभियान सञ्चालन गरिएको जानकारी दिए।
उनले महानगरको वृक्षारोपण अभियान अन्तर्गत रोकिएका बिरुवाहरुलाई क्षति पुर्याउनेलाई कारवाही गरिएको बताए ।
प्रतिक्रिया दिनुहोस !
