अन्नपूर्ण मिडिया नेटवर्कको इभी र्‍याली भोलि हुने

 

काठमाडौं : अन्नपूर्ण मिडिया नेटवर्क (एएमएन)को तेस्रो संस्करणको विद्युतीय सवारी र्‍याली (इभी र्‍याली) गर्ने भएको छ। विश्व वातावरण दिवसको अवसरमा जेठ २६ गते (जुन ८)मा र्‍याली गर्न लागिएको हो।

हेल द पोलुसन फाइटर्स नारा दिइएको एएमएन इभी र्‍याली काठमाडौंको भृकुटीमण्डपबाट सुरू हुनेछ। र्‍यालीमा कार, स्कुटर, ट्याम्पो, बसलगायतका विद्युतीय सवारी धनी सहभागी हुन सक्नेछन्। सहभागी हुनेहरूले अनिवार्यरूपमा रजिस्ट्रेशन गर्नुपर्ने एएनएमले जानकारी दिएको छ। रजिट्रेशन निशुल्क रहेको छ।

इभी र्‍याली भृकुटीमण्डपबाट सुरु भएर भद्रकाली, त्रिपुरेश्वर, कुपण्डोल, जाउलाखेल, एकान्तकुना, धोविघाट, बल्खु, कलंकी, सोल्टीमोड, कालिमाटी र टेकु हुँदै जमलबाट फेरि भृकुटिमण्डप पुग्नेछ।