मधेशमा आर्थिक समृद्धिलाई पहिलो प्राथमिकता दिएर बजेट ल्याउँछौं : नवनियुक्त अर्थमन्त्री साह
जेठ २५, २०८१ शुक्रबार १७:३२:२९
जनकपुरधाम : मधेश प्रदेशका नवनियुक्त अर्थमन्त्री भरतप्रसाद साहले आर्थिक वर्ष २०८१/०८२ को बजेट तथा कार्यक्रमलाई वस्तुनिष्ठ, अनुमानयोग्य एवं पारदर्शी बजेट निर्माण कार्य व्यवस्था बनाउन र बजेट तर्जुमा प्रक्रियालाई जनताको वास्तविक आवश्यकतासँग जोडेर अघि बढ्ने बताएका छन्।
मन्त्री साहले कार्यभार सम्हाल्दै समग्र प्रदेशको समृद्धिमा कृषि, सिँचाइ, मल र समग्र योगदान पुर्याउन तोकिएकै समयभित्र अगामी आर्थिक वर्ष २०८१/८२ को बजेट तर्जुमा गर्ने बताए।
उनले प्रचलित कानुनी व्यवस्था अनुसार तोकिएकै समयभित्र मधेश प्रदेशले बजेट तथा कार्यक्रममा गरिबी निवारण, उत्पादन वृद्धि र सामाजिक न्याय सहितको आर्थिक समृद्धिलाई पहिलो प्राथमिकता दिएर बजेट ल्याउने बताए।
मन्त्री साहले भने, ‘वित्तीय संघीयता सफल कार्यान्वयनका लागि प्रदेशको आयमा बढोत्तरी गर्न प्रदेशको सन्तुलित विकास र समसामयिक विकासलाई प्राथमिकतामा राखी बजेट तर्जुमा हुन्छ। नागरिकले प्रदेश सरकारबाट सहयोगको अनुभूति पाउने गरी प्रदेश सरकारबाट हुने खर्चलाई प्रभावकारी बनाउन ध्यान दिनेछु।’
प्रतिक्रिया दिनुहोस !
