मकवानपुरमा सवारी दुर्घटनामा परी एकजनाको मृत्यु
![मकवानपुरमा सवारी दुर्घटनामा परी एकजनाको मृत्यु](https://annapurnapost.prixacdn.net/media/albums/accident_20220221115319_IpVq6lk0XZ_W6W1uOq1Jg.jpg)
हेटौंडा : मकवानपुरमा सवारी दुर्घटनामा परी एक जनाको मृत्यु भएको छ । मृत्यु हुनेमा नवलपरासीका ४७ वर्षीय दिलबहादुर टण्डन क्षेत्री रहेका प्रहरीले जनाएको छ।
पूर्व–पश्चिम सडकखण्ड अन्तरगत मकवानपुरको मनहरी ७ रमनटारस्थित सडकखण्डमा गएराति सवारी दुर्घटना हुँदा क्षेत्रीको मृत्यु भएको जिल्ला प्रहरी कार्यालय मकवानपुरका प्रहरी नायव उपरीक्षक लक्ष्मी भण्डारीले जानकारी दिए ।
मनहरीबाट चितवनतर्फ जाँदै गरेको ना.७ ख ८४४९ नम्बरको टिफरले हेटौंडाबाट चितवनतर्फ जाँदै गरेको बा.प्र.०२–०३० प १६३१ नम्बरको स्कुटरलाई ठक्कर दिँदा स्कुटर चालक क्षेत्री गम्भीर घाइते भएका थिए ।
घाइते उनलाई तत्काल उद्धार गरी उपचारको लागि चितवनको भरतपुरस्थित पुरानो मेडिकल कलेजमा लगिएको थियो। उनको उपचारको क्रममा नै मृत्यु भएको प्रहरीले जनाएको छ ।
प्रतिक्रिया दिनुहोस !
![Unity](https://annapurnapost.prixacdn.net/static/assets/images/unity-logo.png)