काभ्रे : जिल्लाको चौंरीदेउराली गाउँपालिका- ८ बिर्ता देउरालीमा मोटरसाइकल दुर्घटना हुँदा एकजनाको मृत्यु भएको छ । बुधबार साँझ ७ बजे बिर्ता देउराली स्वास्थ्य चौकी नजिकै मोडमा भित्रि बाटोबाट मध्य पहाडी लोकमार्ग निस्कदै गरेको बागमति प्रदेश ०२–०३० प ३२६८ नम्बरको मोटरसाइकल आफै अनियन्त्रित भई दुर्घटना भएको प्रहरीले जनाएको छ ।
दुर्घटनामा मोटरसाइकल चालक रोशी गाउँपालिका ९ बस्ने २५ वर्षीय सुमन कुमार लामाको मृत्यु भएको प्रहरीले जनाएको छ ।
मोटरसाइकलको पछाडि सवार तेमाल गाउँपालिका- ५ का ४० वर्षीय सरोज लामा सामान्य घाइते भएको उनको धुलिखेल अस्पतालमा उपचार भइरहेको प्रहरीले जनाएको छ ।
प्रतिक्रिया दिनुहोस !
