सिलीगुडीको रंगापानी नजिकै रेल दुर्घटना, सातजनाको मृत्यु
![सिलीगुडीको रंगापानी नजिकै रेल दुर्घटना, सातजनाको मृत्यु](https://annapurnapost.prixacdn.net/media/albums/rail-accident_prYAv8byKB_5vJUvcW6wU.jpg)
झापा : भारतको पश्चिम बङ्गालस्थित दार्जिलिङमा सोमबार बिहान रेल दुर्घटना भएको छ । सिलीगुडीको रंगापानी स्टेसन नजिकै भएको रेल दुर्घटनामा परी अहिलेसम्म ७ जनाको मृत्युको भारतीय सञ्चारमाध्यमले जनाएका छन् ।
मृतक तथा घाइतेहरूको सङ्ख्या अझै बढ्ने सक्ने अनुमान गरिएको छ । सोमबार बिहान करिब ९ बजेको समयमा न्यु जलपाईगुरी रेल्वे स्टेसनबाट छुटेको कञ्चनजंगा एक्सप्रेस (१३१७४)लाई एउटा मालगाडी रेलले पछाडिबाट ठक्कर दिएको थियो ।
कलकत्ता जाँदै गरेको कञ्चनजंगा एक्सप्रेस रातो सिङ्गलका कारण रोकिरहेको थियो । सोही बेला पछाडिबाट आएको मालगाडी रेलले ठक्कर दिएको थियो । ठक्करबाट यात्रु बोकेको कञ्चनजंगा एक्सप्रेस तीनवटा डिब्बा क्षतिग्रस्त भएको छ ।
घटनास्थलमा एक जना कोपो पाइलटको मृत्यु भएको छ । अहिले उद्धार कार्य जारी रहेको जनाइएको छ । घटना दु:खद भएको बंगालका मुख्यमन्त्री ममता बनर्जीले जानकारी गराउँदै उद्धार तथा राहत कार्यमा जुटन अपिल गरेकी छन् ।
प्रतिक्रिया दिनुहोस !
![Unity](https://annapurnapost.prixacdn.net/static/assets/images/unity-logo.png)