विराटनगर : छिमेकीको निर्माणाधीन शौचालयको सेफ्टीट्यांकीभित्र डुबेर विराटनगरमा मंगलबार एक नाबालकको मृत्यु भएको छ।
विराटनगर महानगरपालिका-५ का अनिल पासवानका अढाई वर्षीय छोरा नितेश पासवानको मृत्यु भएको मोरङ प्रहरीका प्रवक्ता डीएसपी ज्ञानेन्द्रबहादुर बस्नेतले बताए। उनका अनुसार नाबालक खेल्ने क्रममा लडेर दिउँसो ४:२० बजेतिर छिमेकी अमन खानले बनाउँदै गरेको शौचालयको सेफ्टी ट्यांकीको हजमा खसेको खुलेको छ।
हजभित्र डुबिरहेको अवस्थामा आमाले देखी तत्काल उद्धार गरेर उपचारका लागि कोशी अस्पताल लगेकी थिइन्। अस्पताल पुर्याउनासाथ चिकित्सकले ४:५० बजेतिर मृत घोषित गरिदिएको डीएसपी बस्नेतले बताए। उनका अनुसार घटनाको अनुसन्धान सुरु गरिएको छ।
प्रतिक्रिया दिनुहोस !
