काठमाडौं : गोदावरी नगरपालिका-९ छेडामा व्यवसायीमाथि खुकुरी प्रहार भएको छ। भैसेपाटीका ४२ वर्षीय मनोज कुमार बानियाँमाथि शुक्रबार दिउँसो खुकुरी प्रहार भएको हो।
जिल्ला प्रहरी परिसर ललितपुरका प्रवक्ता नरेसराज सुवेदीका अनुसार शुक्रबार दिउसो १२:४५ बजे दुईवटा मोटरसाइकलमा आएका चार जनाले बानियाँलाई अन्धाधुन्ध खुकुरी प्रहार गरेका थिए। खुकुरी प्रहारबाट व्यवसायी बानियाको हात, टाउको र हिपमा गहिरो चोट लागेको छ।
उनको ललितपुर स्थित नेपाल मेडिसिटि अस्पतालमा उपचार भइरहेको छ। बानियाँले गोदावरी ९ छेडामा बतासे कटेज निर्माण गरिरहेका छन्।
दिउँसोको समयमा रंगरोगन गर्ने कामदारहरु खाना खान गएको मौका छोपी उनीमाथि खुकुरी प्रहार भएको थियो।
प्रवक्ता सुवेदीका अनुसार घटनामा संलग्नहरू फरार छन्। सीसीटीभीबाट आरोपीहरुको पहिचान भइसकेको र खोजी कार्य जारी रहेको उनले बताए।
प्रतिक्रिया दिनुहोस !
