कलंकी ट्रेड सेन्टरको सटर ठगीमा ६ जना पक्राउ
![कलंकी ट्रेड सेन्टरको सटर ठगीमा ६ जना पक्राउ](https://annapurnapost.prixacdn.net/media/albums/arrested_20180911053149_lWQpZYdRh1_U0XoO2lfTA_Wekhjjd4fN.jpg)
आवश्यक सबै पूर्वाधार र सुविधासहितको ज्येष्ठ नागरिकको एकीकृत सामूहिक बस्ती विकास गतिलो अभ्यास हुन सक्छ।
काठमाडौं :कलंकीस्थित कलंकी ट्रेड सेन्टर ‘केटीसी’ र नेसनल बिजनेस ट्रेड सेन्टर ‘एनविटीसी’ का सटरको स्वामित्व दिने भन्दै करोडौं ठगी गर्ने पक्राउ परेका छन् । जिल्ला प्रहरी परिसर काठमाडौंको टोलीले उनीहरूलाई काठमाडौंको विभिन्न स्थानबाट पक्राउ गरेको हो ।
पक्राउ पर्नेमा कलंकी डेभलपर्स र मिला ल्यान्ड डेभलपमेट प्रालिका सञ्चालक समितिका अध्यक्ष लाजिम्पाटका नरेन्द्र बज्राचार्य छन् । यस्तै गरी ललितपुर कुपण्डोलका राजेशकृष्ण श्रेष्ठ, पाल्पा तानसेनका निरन्जनकुमार श्रेष्ठ, कास्कीका चिरञ्जीवी पौडेल, स्याङ्जा वालिङका शान्तिरमण पंगेनी छन् ।
जिल्ला प्रहरी परिसर काठमाडौंका प्रवक्ता नवराज अधिकारीका अनुसार उनीहरूविरुद्ध विमला भण्डारीसमेत ३३ जनाको जाहेरी परेको छ । उनीहरूले सटरको स्वामित्व दिने भन्दै विभिन्न व्यक्तिहरूबाट अर्बौं उठाएको आरोप छ । पहिलो फेजमा १३ करोड ७३ लाख रुपैयाँ बढी ठगी भएको भन्दै ३३ जनाले प्रहरी परिसर काठमाडौंमा जाहेरी दिएका छन् ।
प्रहरीका अनुसार पक्राउ परेका बज्राचार्य प्राइम बंैकका सञ्चालकसमेत हुन् । यो समूहले निर्माण गरेको कलंकी ट्रेड सेन्टर ‘केटीसी’ र नेशनल बिजनेस टे«ड सेन्टर ‘एनविटीसी’ मा सयौ व्यापारीको ५ अर्ब रुपैयाँ बढी लगानी रहेको छ । न्युरोड, भोटेबहाल र महाबौद्ध एरियामा व्यापार गरिरहेको व्यापारीलाई नेपालकै ठूलो होलसेल मार्केट निर्माण गर्न लागेको भन्दै लगानी गर्न हौस्याएको थियो । २०६९ सालबाट बन्न सुरु भएको एनविटीसी मा सयौ व्यक्तिको झन्डै ३ अर्ब रुपैयाँ लगानी रहेको छ ।
भवन बनाएर सञ्चालनमा आए पनि सटरको स्वामित्व नदिएपछि लगानीकर्ताहरू जाहेरी लिएर प्रहरीकोमा पुगेका हुन् । निर्माण कम्पनीले पटक–पटक समय सार्ने र बहाना बनाउन थालेपछि व्यापारीहरू आन्दोलित भएका थिए ।
प्रतिक्रिया दिनुहोस !
![Unity](https://annapurnapost.prixacdn.net/static/assets/images/unity-logo.png)